Page 30 - AVP

Parlamentario Hendrik Tevreden (MEP): Instituto Di

Parlamento No Por Keda Carga E Mancha Di

Sevinger Ta Yega Ora Pa Parlamentarionan Di AVP

Entrega Nan Asiento

 Politica
- 07/10/2019

Partido AVP ta den un decadencia y riba un speed bastante halto. Ta nan di 4 candidato
den e ultimo tempo aki cu ta den e radar di Ministerio Publico, RST of casonan
fraudulento. E dicho: ‘No bisa mi ken ta den, pero ken no ta den’ ta haya bida aki. Y tin
un impresion cu ainda falta.

Ex Minister di permiso y tereno y actual Parlamentario Benny Sevinger (AVP) t’e actor
principal den e caso cu Ministerio Publico a duna e nomber di ‘Avestruz’.

Parlamentario Sevinger a sali bisa cu e ta inocente, y ta yama e investigacion aki como un
persecucion politico. Pero esaki ta igual n’e parha avestruz cu su halanan ta mucho
chikito pa yud’e bula, como su curpa ta hopi pisa.

E pruebanan riba Sevinger tin asina hopi peso cu e no tin hala pa yud’e bula bay di e
cargonan aki. E ta wordo sospecha di falsificacion di documento, estafa y labamento di
placa.