Page 15 - DIGICEL

fiber na tera y esun via lama. Ta bon pa remarca cu e Gobierno anterior deliberadamente
no a tuma ningun decision riba e peticionnan. Pero di otro banda e Gobierno actual a
dicidi pa tuma e mesun rumbo y tampoco ta contestando. Tin caso civil den Corte den
cual ta colga un dwangsom di 10 mil florin pa cada dia cu Gobierno no contesta, te cu
900 mil florin.

Den un ultimo caso di LAR luna pasa, Huez a constata cu e minister no a cumpli cu e
previo sentencia di 2017 y dicidi pa impone un multa riba Gobierno si acaso e no tuma
un decision dentro di 3 luna. Entre tanto mitar di e tempo a pasa y e riesgo di e multanan
ta bira mas grandi.

Digicel ta pendiente pa por desaroya fiber optic pa su infrastructura riba tera y esun via
lama. Cu e licencianan menciona, Digicel lo por ofrece un cantidad di servicio innovativo
cu mas velocidad y mas capacidad di data, tanto na cas, via bo celular y den e
negoshinan. Esey lo mester traduci den un comienso nobo, mescos cu na aña 2003, den
cual e clientenan lo beneficia sin duda di mas producto y miho tarifa. Dicon Gobierno ta
scoge pa tene duro na un monopolio, te ainda no ta conoci. Te na e momento aki Minister
Romero no a comenta riba e tema, ni tampoco di su maneho riba e tereno aki.

Di parti di Gomez, a haci un apelacion directo na Minister Romero den un programa
radial pa atende cu e peticion, pa tuma e interesnan di Digicel na serio, pa considera e
interesnan di tanto e trahadonan como e usuarionan di Digicel, pa cumpli cu e sentencia
di huez, pa Digicel por contribui cu desaroyo di innovacion na Aruba. Aun teniendo
cuenta cu tur e tardansa y incumplimento, Digicel ta keda habri pa dialoga na interes di e
desaroyo tecnologico di Aruba.