Page 16 - BNDIA ARUBA

A16 HENDE
Dialuna 3 Juni 2019

Anochi informativo di APG, Fundacion Lissette Gomez y gobierno bon bishita

ORANJESTAD - Recientemente den un sala yen, na
MFA Sta. Cruz un panel den cual e biaha aki Angelic
Flanders a representa Voogdijraad y Rose Ann Anthony
a participa como dokter di cas, Lila Mackay di Funda-
cion Lisette Gomes, sr. Barry di JZP y Mitsy Willems
a participa, a duna oportunidad pa haci preguntanan
y papia encuanto di e tema con por combati y preveni
abuso di mucha.
Loke a resalta e nochi aki ta e frustracion di publico pa cu e
fenomeno aki di abuso sexual di mucha. Ta reina un incom-
prension den nos pueblo pa loke ta trata nos sistema hudicial
cu ta basa riba otro leynan cu p.e. esun Mericano of Colom-
biano. E sistema legal Hulandes ta rekeri un enfoke preven-
tivo. Cu esaki por yega a largo plaso na rebaha e cantidad di
casonan substancialmente. Cada Mucha Abusa ta Un Caso
Di Mas

E metodo presenta pa Carmen Herrera presenta tambe e ano-
chi aki ta cla pa drenta e tur scolnan. Esaki ta rekeri un enfoke
di nos tur trahando cu muchanan chikito. E no ta enfoca riba
sexualidad sino riba con pa cuida nan curpa y cu ta siña nan cu
ningun persona mag di mishi cu nan parti intimo. Por a nota cu e
sala e participa activamente den e presentacion di sra. Herrera.
Tambe tawatin espacio pa participantenan comparti experen-
cia y ta promove interaccion activo durante di e anochi aki.

APG ta extende un invitacion cordial pa diamars 4 di juni na
MFA Savaneta pa otro sesion cu ta cuminsa pa 7or en punto.
No perde e ocasion aki pa orienta bo mes como mayor of
profesional con pa siña nos muchanan chikito con pa defende
Nan mes contra abuso sexual.