Page 27 - FDLP

Prome atleta cu a subi plataforma ta nos atleta femenino Nicole Dijkhoff cu tabatin 6
atleta den su categoria 71kg a logra den su hisadanan den snatch 71kg, clean & jerk 80kg
pa logra un total di 151kg ta termina na di 6 lugar.

Tambe otro atleta cu nos por a wak den accion ta Jeremy Dijkhoff di apenas 15 aña haci
su debut pa di dos biaha riba plata forma internacional den e Campeonato Panamericano
Juvenil por a midi forsa cu un cantidad di 7 atleta di varios pais manera Brasil, Colombia,
Ecuador, Estados Unidos y Venezuela.

Jeremy Dijkhoff ta logra keda na di 6 lugar den categoria di 81kg den e campeonato unda
a logra den snatch 80kg y a Clean & Jerk 105 Kg pa un total di 200Kg.

Por ultimo nos ta haña e atleta hoben Laertes Araque cu a haci su debut pa di dos biaha
den Youth Sub-17 riba e Campeonato Panamericano Juvenil tabatin un cantidad di 6
atleta di varios pais manera Chile, Colombia, Ecuador, Estados Unidos y Peru.

Laertes Araque den categoria di 89kg ta logra den su hisadanan den snatch 100kg, clean
jerk 125kg pa un total di 225kg cu esaki Laertes ta termina na di 6 lugar.

Den snatch ta logra kibra record di Aruba den hubenil cu 5kg y den total. Ganador den e
categoria aki a resulta Amel Atenia di Peru cu un total di 284kg, medaya di Plata a bay pa
Nicolas Cueva di Chile cu un total di 180kg y medaya di Brons a bay pa Lander Wells di
Estados Unidos cu un total di 272kg.

Aruba Amateur weightlifting Association kier a manda palabra di gradicimento na
Stichting Sportsubsidie Aruba y Lotto pa Deporte cu a cubri e gastonan di e Campeonato
Panamericano Juvenil Sub-17 de Levantamiento de Pesas y palabra di pabien na nos
atletanan pa nan debut internacional cu ta Jeremy, Nicole, Laertes y entrenador Walter
Llerena.