Page 32 - FDLP

Ronald Gomez A Bay Cu Balon Di Oro Y Eric Abdul

Cu Golden Glove 2019

 Deporte
- 04/09/2019

Futbol Aruba hunto cu Arubaanse Voetbal Bond a organisa e evento di Balon di Oro e
aña aki atrobe, reconociendo e hungadornan, e actornan di futbol.

Durante henter aña e hungadornan ta haci esfuerso y sacrificio pa por practica futbol,
train 3 te 4 bes pa siman, hunga 1 wega pa siman.

Tres aña pasa caba Futbol Aruba a presenta e idea aki na AVB, kende a acepta mesora pa
ta parti di e proyecto. A haci 2 premiacion e anochi aki, di cual tabata e Balon di Oro y
Golden Glove p’e keeper.

Tabatin 3 nominado pa Balon di Oro y na final di anochi Ronald Gomez a bay cu e
premio aki. P’e parti di Golden Glove e aña aki Eric Abdul a destaca y merecidamente a
ricibi su premio.

E evento tabata bon atendi y tur presenta a keda contento cu e premionan y e seleccion cu
e hurado a haci entre e mihor hungadonan di futbol di nos isla.