Page 50 - MIN ON

Inge Dijkhoff E evento 1000voz a trece hopi pensamento
hunto

Tuesday, 09 May 2017 18:41
Comparti

Den e milenio nobo pueblo di Aruba a conoce hopi reto, cambio y progreso. AVP ta orguyoso di ta parti
integral di e progreso aki y ta nada menos cu bon preparacion y trabao duro a haci e cambio pa miho aki
posibel.

E transformacion y renobacion aki den politica a inicia cu e filosofia y pensamento Scucha, Pensa y trece
Cambio. Hustamente esaki tabata un di e motibonan cu a motiva Inge Dijkhoff pa participa den e gran
evento di 1000voz. Pensamentonan cu a wordo treci dilanti den 1000voz ta wordo hinca den un rapport y
entrega door di Fundacionnan Digna Lacle Herrera y dr. Mito Croes na partido AVP. Inge Dijkhoff di
Savaneta a participa cu yen di entusiasmo, pasobra e ta sinti cu esaki ta un forma cu cual e por contribui
di un forma directo of indirecto na Aruba. Mirando cu proteccion di nos pais pa un futuro generacion ta
hopi importante, sostenibilidad ta e tema cu mas a capta su atencion. “Sostenibilidad ta un topico cu ta
embarga tur cos. Si no tin sostenibilidad den bida, e.o. den naturalesa, no tin sostenibilidad den e bida di
e ser humano tampoco. Si nos no cuida naturalesa, no tin un Aruba pa futuro, no tin un Aruba pa turismo
cu awor ta nos principal pilar economico.” Loke e ciudadano a haya hopi interesante ta cu tur esnan sinta
na e mesa cu e tema 'sostebilidad' tabata di acuerdo cu mas mester wordo haci pa cuido di naturalesa.

E falta di e debido cuido di naturalesa, ta trece diferente efecto negativo. Esaki ta algo cu e
participantenan kier pa tene cuenta cune den maneho di e siguiente gobernacion. “Loke tabata hopi
positivo ta e hendenan sinta na e mesa aki cu tabatin e cuido di Aruba na pecho. Mi ta spera cu e
pensamentonan aki wordo scucha.” E evento 1000voz ta algo hopi importante pasobra pueblo ta wordo
scucha, esta cu e ciudadano comun y coriente ta wordo scucha y cu algo ta wordo haci cu su pensamento.
Tabata hopi importante pa scucha cu tur hende tin bienestar di Aruba, di esnan cu ta biba aki, na pecho;
nan kier sigui wak adelanto pa cu bida di hende, sigur den e tema di sostenibilidad.”