Page 7 - MIN ON

ORANJESTAD (AAN)- Te ainda no tin claridad di e caso caminda a haya un homber di
origen asiatico, cu a wordo haya cu tiro na cabez na Jaburibari. E caso aki a sosode
Dialuna dia 1 di Mei. Aunke na Aruba keto bay Ministerio Publico no a ni duna nomber
di e sospechoso, ni e victima mes, tog danki na prensa di Canada, sikiera por haya sa

kende ta envolvi, y kende ta e victima.

E canal di TV, Canadian Broadcasting System a hasta haya sa e nomber di e homber
mata na Aruba. Ta trata di Thuy Hoang Nguyen Quach, kende ta biba den area di

Regents Park na Toronto.

Na Aruba, algun ora despues di e matamento, autoridad a logra di detene un
sospechoso principal, na final di un persecusion di auto cu a caba na Hato. Ta trata di

Michael “Teddy” Gibson kende a bandona Canada sin cu autoridad tabata sa mes. Aki
mes ya tin un discusion encuanto e forma con e sospechoso aki a sali for di Canada, sin
cu Canada Border Services Agency (CBSA) tabata sa. Sinembargo e agencia di frontera
a bisa cu nan no ta hunga un rol cu viaheronan cu ta sali di e pais. Solamente esnan cu

ta drenta.

E sospechoso deteni na Aruba, tambe ta procedente di e mesun area di Regent Park na
Toronto.

Tin por lo menos un persona Canades mas deteni na Aruba, kende tambe conoce e
victima di un forma of otro. Pero detaye riba e informenan aki ta scars.

BUSCANDO YUDANZA FINANCIERO:

E costo pa transporta e restonan mortal di Thuy Hoang Nguyen Quach bek pa Toronto,
ta basta halto. E novia di Thuy a dicidi na cuminza un proceso di recauda fondo via e

website di GoFundMe.com, unda e ta suplica pa amigo y conocirnan yuda recauda
$15.000 pa por transporte.

Famia di Thuy kier pa nan ser keri regresa Canada, pa asina tur hende tin chens pa

dune nan ultimo adios. Te cu Diamars atardi, nan a recauda mas di esey, y ya caba ta
$16.655.

CUATRO SOSPECHOSO DEN LIBERTAD: