Page 12 - MIN ON

Myrelienne Maduro a defende su tesis na Universidad di
Aruba

Wednesday, 10 May 2017 11:56
Comparti

Diahuebs 4 di mei, Myrelienne (Gianira) Maduro a defende su tesis na Universidad di Aruba. Gianira ta e
di 13 studiante di e programa di estudio cu ta defende su tesis den cuadro di e programa di ‘Organization,
Governance and Management’ (OGM). Gianira a defende su tesis dilanti di e comision di graduacion cu
tabata consisti di drs. Judelca Briceno., drs. Jacques Verscheer y sra. Azucena Arts-Maduro.

Ademas di e comision, e presentacion y defensa di e tesis a tuma lugar dilanti di un audiencia mixto di
famia, studiante y docente di Universidad den e aula di Universidad. Durante e periodo como studiante
na Universidad di Aruba, Myrelienne a haci su pasantia na Directie Ecomische Zaken, Handel en
Industrie (DEZHI). Durante su pasantia Gianira a haya interes den e “Bezoldigingsregeling di
Ambtenaren”. E tabata especificamente interesa pa haya sa con satisfecho e trahador publico ta cu su
“Bezoldigingsregeling” (Sistema di compensacion). Myrelienne su tesis tin como titulo: “Satisfaction
Level of the ‘Bezoldigingsregeling Ambtenaren”. Durante su investigacion Gianira a explora e nivel di
satisfaccion di e trahadornan den gobierno den relacion cu nan sistema di compensacion. Myrelienne a
haci su analysis a base di e literatura y e teoria cu e a studia y adapta pa e contexto local. E la focus riba
diferente factornan relata cu e sistema di pago den gobierno y cual factornan tin relacion cu satisfaccion
di e empleado publico pa cu esaki. Pa medio di un questionario Myrelienne a analisa kico ta factornan di
e “bezoldigingsregeling” den gobierno cu tin influencia riba e nivel di satisfaccion di e empleado publico.

E resultado di su investigacion ta uno masha importante mirando cu e por wordo utiliza pa desaroya
cambionan den e sistema di pago di empleadonan publico pa uno mas moderno y cu ta concorda cu
desaroyonan actual, local y mundial riba e tereno di personal (Human Resource). Universidad di Aruba,
particularmente e departamento di ‘Organization, Governance and Management’, ta felicita Myrelienne
Maduro cu e logro aki. E staf ta orguyoso cu e la dicidi di haci un Summer Course na “The University of
Applied Sciences Utrecht (HU)”. Gianira su emfasis ta bay ta “project management” na e instituto di
“Economics and Management”. Gianira a scohe concientemente pa haci un modulo extra y e ta bay tin
bon probecho di e decision aki den su futuro carera y ora e bay solicita. Pa mas informacion riba e
estudio OGM, bishita e website di Universidad di Aruba na http://www.ua.aw/OGM y e pagina di
Facebook cual ta https://www.facebook.com/pages/University-of- Aruba-OGM- Organization-
Governance- Management-FAS/