Page 14 - UTLITIES JAN 18
P. 14
Minister Arends a splica
en encuanto zonificacion
di areanan rond Aruba
Published on January 18, 2017 in Politica
ORANJESTAD, Aruba
Minister Richard Arends a contesta pregunta di prensa riba e preocupacion cu tin pa
loke ta negoshinan chikito cu ta lantando tur caminda, hasta den barionan habita cu tur
su consecuencianan. Minister Arends a bisa cu dentro di poco e lo ta haya un
presentacion di Departamento di Asuntonan Economico pa splica con comercio en
general ta reparti rond di Aruba. “Mi por anuncia aki si cu un di e decisionnan cu a
wordo tuma ta cu no ta bay otorga permiso di establecimiento riba terenonan erfpacht
cu ta destina pa vivienda. Esaki tanten cu e cambionan riba e tereno aki no ta
formalisa” Minister Arends a bisa cu e ta en espera di e presentacion pa haya sa mas
detaye riba e topico aki.
Minister Arends: “Hopi biaha algo ta wordo yama moratorium, pero no semper e ta
relata pa un quota. Aparte di zonificacion, nos ta analisando e base legal pa maneha
establecimento di negoshinan mihor. Ta obvio cu si bo tin e zonificacion cu regulacion
bo por pone den e cuadro aki cu cierto areanan ta pa desaroyo turistico, pa desaroyo
industrial, pa vivienda y di e forma aki gobierno por controla establecimento di negoshi.”
Riba e asunto di San Nicolas Special Zone, Minister Arends a bisa cu e ley ta mucho
mas amplio cu e zona ey so. “E ley aki ta wordo entrega na luna di februari na
Parlamento pa tratamento, sinembargo ya for di 2013, Minister de Meza e tempo ey a
anuncia e Zona special aki na San Nicolas como un maneho beneficioso y e ta wordo
aplica caba. Hopi compania cu ta cumpli cu e rekesitonan a haya e status di Special
Zone. E ultimo cifranan cu mi a haya di High Commissionaire ta indica cu tin un
demanda basta grandi toch di negoshinan pa haya e status di Special Zone. E unico
cos ta cu tin cierto criterianan basta specifico cu mester cumpli cu nan, manera p.e. e
cantidad di inversion, e cantidad di empleado pa bo por establece bo negoshi na San
Nicolas y haya cierto beneficio fiscal.”
