Page 9 - UTLITIES JAN 18

AWEMainta Diaranson, 18 Januari 2017 11

Parlamentario Clarisca Velasquez (AVP):

E aña aki 2017 coriente lo baha

na 34 cent pa kilowatt uur

“TUR Gobierno a priminti cu nan lo baha coriente y awa,
pero ningun otro a logra te awor.
Gobierno di Mike 1 y 2 ta e unico Gobierno cu a baha coriente
y awa pa nos pueblo.
Nos sa cu e awa y coriente ta preta hopi riba e cartera di nos
hendenan y ta p’esey e Gobierno aki ta purba haci loke ta den
su alcanse pa alivia nos hendenan cu esaki”, segun Parlamen-
tario Velasquez.

“Entrante januari 2017 aki e coriente lo baha te na 34 cent pa
kilowatt uur. Un rebaho di 15% total. Esaki sigur lo alivia nos
hendenan y esaki ta e meta di nos Gobierno.
No manera tempo e Gobierno di MEP ta sinta na aña 2009
cu e coriente tabata 53 cent pa kilowatt uur. E Gobierno di
Mike Eman ta trece alivio pa nos pueblo cada cu e por”, e
Parlamentario a splica.

“Y no manera prome cu e exprome Minister cada bes tabata
exigi su “fair share”. Nos pueblo por ta sigur cu fin di luna aki
nos ta haya alivio ora nos haya nos recibo di coriente. Esaki ta
e meta primordial di e Gobierno aki ta traha pa nos pueblo y
unda por alivia ta haci esaki y esaki
a bin ta pasando desde cu nan
a asumi Gobierno na 2009”,
Parlamentario Velasquez a
conclui.

Parlamentario Clarisca Velasquez (AVP):

Pueblo por wak cu su mes

wowonan unda su placa ta bay

“ORA nos tende di MEP con nan ta critica tur cos cu e Gobierno aki ta haci bo ta bisa bo
mes cu e hendenan aki no por ta biba na Aruba. E negativismo cu nan ta purba di influencia
e pueblo aki ta increibel. Y tur esaki pa e sed pa poder”, segun Parlamentario Velasquez.

“Kraanchi a cera malamente pa nan y esaki nan no por biba cu ne. Pero den tur e negativ-
ismo y critica di MEP pueblo mes ta bisa cu awor nan ta wak cu nan mes wowo unda nan
placa ta bay.
Y no manera antes tempo cu MEP tabata den Gobierno ta “op hun banrekening” e placa
tabata bay y awor e placa ta bay den pueblo”, e Parlamentario ta splica.

“Esey ta e gran diferencia entre Gobierno di AVP cu esun di MEP. Ora AVP ta goberna
e placa ta bay pa pueblo y pueblo mes ta wak cu su mes wowonan unda su placa ta bay,
mientras ora MEP ta na mando pueblo no por a wak unda e placa ta bay, pero sa cu e ta
bay riba cuenta di banco di gobernantenan y nan famia”, Parlamentario Velasquez a duna
di conoce.