Page 11 - ATA

6 AWEMainta Diaranson, 28 augustus 2019

Lider di AVP, mr. Mike Eman ta splica

E balor di boluntarionan di AVP

E exito di partido AVP y su influencia riba e direccion politico di

nos pais Aruba ta depende di e esfuerzonan di dirigentenan di
bario, activista y boluntarionan integro y cu un deseo pa sirbi nan

comunidad. Pesey e evento cu nos boluntarionan t’asina crucial.
Asina líder di partido, mr. Mike Eman a enfatisa durante anuncio

di Encuentro Boluntario 2019.

E VOZ DEN BARIO

T’e ciudadanonan cu ta brinda tempo, energia y creatividad cu e

solo meta di mira Aruba bay dilanti ta haci e diferencia. T’e diri-
gentenan di bario, activista y boluntarionan ta conecta partido cu

cada un di votador den cada stemdistrict.
Ta bishitanan na casnan den bario, e combersacionnan cu famia,

bisiña, amigo y colega ta crea un comunicacion directo entre e bol-
untad di Pueblo y AVP.

E VOZ DEN PARTIDO DI E BARIO

Mike Eman ta expresa cu pa AVP por ehecuta un maneho di cali-
dad y realiza e principionan Cristian Democrata e partido ta traha

duro pa conta cu un organizacion dinamico, confiabel y dedica den
tur bario. E fundeshi di e organisacion aki t’e organisacionnan den

bario. Den tur districo partido ta representa dor di ciudadannan
di e bario. E representacion den bario ta consisti di un dirigente di

bario y activista y boluntarionan.

OPORTUNIDAD DI FORMACION PA BOLUNTARIONAN

Partido ta aporta na formacion di su dirigentenan di bario, activ-

ista y boluntarionan dor di charla y nochinan informativo rond di
Aruba. Ademas di esey Fundacion Instituto Formacion Politico

Digna Laclé-Herrera ta provee informacion encuanto derechonan
politico, manera derecho di voto activo y pasivo, y e principionan di

bon gobernacion.
Fundacion Digna Laclé-Herrera tambe ta organisa charla y curso-

nan riba topiconan como derecho constitucional, ideologia politico,
desaroyo social, economia y finansa publico.

ENCUENTRO BOLUNTARIONAN 2019; UN CAUSA COMUN

Dia 1 di September awor Partido ta organisa un evento special pa
su boluntarionan pa sigui re-enforza e coneccion importante cu tur

bario p’asina por trece felicidad bek pa pueblo y sigura cu esaki lo
ta pa uny tur. Cu humildez y simplesa nos ta lucha, pero semper

cu determinacion pa ofrece Aruba un perspectiva positivo y un de-
saroyo cu nos por ta orguyoso di dje.

Esey t’e causa comun cu nos tin cu pueblo y pueblo ta comparti cu
nos, e lider di AVP, mr. Mike Eman a finalisa bisando.