Page 21 - WEB

Minister Otmar Oduber – Gobierno Ta Lamenta Cu

Compania EcoGas Ta Malinforma Comunidad

 Local
- 15/07/2019

No ta demonstra etica den haci negoshi

Gobierno di Aruba cu tin como unico punto di salida bienestar di Aruba, ta lamenta
profundamente mal informacion duna dor di e compania EcoGas. Den articulo publica 14
di juli den medionan di comunicacion, e compania en cuestion ta informa di posibel
intencionnan pa por exporta sushi di Aruba.

Mester indica cu realmente ni mitar di e sushi total produci na Aruba ta wordo recogi dor
di EcoGas.

ACUERDO TEMPORAL
Como parti di un plan corto-medio plazo, Serlimar a cera un acuerdo temporal cu EcoGas
pa empaketa e sushi cu Serlimar y otro compania ta recoge di cas y comercial, den e asina
yama ‘envirobales’. Importante ta pa comunidad compronde cu ta trata di un acuerdo
temporal p’asina por duna espacio pa yega na e plan definitivo, den forma di un ‘waste to
energy facility’ pa pais Aruba, segun Minister Otmar Oduber. Na unda cu bienestar di tur
ciudadano ta bin na vigor.