Page 22 - WEB
P. 22
Ningun momento e t’asina cu e compania en cuestion por dicidi cu e sushi cu ta wordo
empaketa por wordo exporta di tal forma. P’e motibo, Gobierno ta lamenta cu e
informacion ta wordo publica como tal.
Cualkier compania cu tin un bon pensamento, bon plan y bon vision, ta un compania cu
ta forma parti di e solucion.
Sinembargo, esaki semper teniendo bienestar general na cuenta y tambe practicanan
etico di haci negoshi.
Ora cu ta trata subimento of bahamento di prijs, ta cuestiona e hecho cu na momento cu
e compania en cuestion a yega na acuerdo cu pais Aruba, a tuma e decision pa triplifica
prijsnan den sector comercial pa locual ta servicio cu nan ta duna companianan, cual ta
algo pa pensa riba dje.
Gobierno di Aruba kier enfatisa cu e tin pleno confiansa den e proceso transparente,
integro y solido, pa locual t’e solucion definitivo pa Aruba su problema di desperdicio
den forma di un ‘waste to energy facility’.
Asina ta indica cu Gobierno di Aruba tin bienestar di pueblo como su punto di salida, e
mandatario a reitera.
UN OBSERVACION
Si EcoGas ta haci e trabao aki, sin cu tin gasto alguno pa comunidad, pakico Gobierno
kier pa pueblo paga 60 florin pa ton di sushi recogi? Ta kende Minister Otmar Oduber
kier previlegia?
