Page 24 - DVG_Neat

ORANJESTAD (AAN)—E relacionista publico di AZV sr. Joost van de Kamp, a duna un
update tocante e preparacion di e Feria di Salud, cu ta den porta.

El a expresa su satisfaccion pa e tremendo acogida cu e evento aki ta hayando, ainda

tin hende ta bin ta cumpra carchi na AZV of via online, y nan ta spera un bishita masal
di pueblo cu ta interesa den haya mas informacion pa un bida mas saludable.

Docternan cu ta bay duna charla y otro profesionalnan cu ta bay dicta tayernan di

trabao ta cla pa haci esaki, pa haci control di salud, of duna informacion, entre otro riba
CVA y Diabetes, entre otro malesanan cronico.

Un di e metanan ta pa e poblacion ser conoci di mas cerca cu AZV cu ta e instancia cu

ta paga e gastonan curativo, manera ley ta stipula, y tin cierto cosnan cu ta limita,
segun van de Kamp. Den e marco unda nan ta traha AZV ta haci su maximo esfuerzo
den locual ta posible, pero no tur cos ta posible, sr. van de Kamp a expresa.

Tur esaki por wordo splica durante e evento aki, unda nan ta habri espacio pa ta den
combersacion cu nan clientenan cu ta tur persona biba na Aruba.

https://www.diario.aw/2019/06/feria-di-salud-organiza-pa-azv-hayando-tremendo-acogida/