Page 25 - DVG_Neat
P. 25
GIOVANNI WONG: E PROCESO
DI STEMCELL TA UNO
INCREIBEL
4 June, 2019, 1:42 pm
Giovanni Wong no ta un figura desconoci den nos comunidad. E ta un persona cu for di
tempo e tabata hoben tabata den mundo di Karting, hunto cu su famia. Pero dialuna
anochi, el a bin pa algo otro na MFA Paradera. El a yega di cay for di dak y esey a afect’e
completamente. Y awo e ta testimonio di kico e tratamento di stemcell a nifica p’e.
El a splica cu el a haya contacto cu dr. Guerrero di Stemwell Colombia via un amigo di
dje, kende tin problema cu su rudianan pa cual mester a opera e rudia. El a opta pa no
oper’e, sino e no lo por bay hunga futbol mas.
Luga el a bay haci e procedura di stemcell mas of menos tres aña pasa y a keda bon. E
por haci tur cos bek. E tabata conta Wong pa varios aña tocante di Stemcell, pero Wong
no a kere den dje.Dia cu el a sufri un accidente, cu el a cay for di dak na cuminsamento di
November, e dolor a keda escala pa lunanan largo. E mes ta hende cu no ta bay dokter y a
opta pa trat’e cu un fisiotherapista.
