Page 41 - DVG_Neat
P. 41
Despues di e dos rondnan di bishita di inspeccion na tur e casnan di cuido na Aruba den
2018, Inspectie Volksgezondheid a duna tur cas di cuido te cu 31 di juli 2019 pa regla
nan permiso na Seccion Cuido di Nos Grandinan na Departamento di Salud Publico
(DESPA).
Na Seccion Cuido di Nos Grandinan, e casnan di cuido ta wordo asisti cu e “fast-track”
pa haya bishita di control di Brandweer, DTI y seccion di Higiena di DESPA. Ora cu e
casnan di cuido pasa inspeccion y keuring di e instancianan menciona aki, nan lo ricibi
aprobacion pa bin na remarke pa un permiso.
Inspectie kier a enfoca e importancia pa un cas di cuido tin un permiso pa motibo cu e
controlnan di Brandweer, DTI y seccion di Higiena ta pa e siguridad pa ambos e
grandinan den e cas y e empleadonan. Pa es motibo a pone reglamento di un permiso
como un prioridad y Inspectie kier a recorda tur e casnan di cuido pa regla nan permiso
prome cu 1 di augustus 2019. Despues di e fecha aki, Inspectie lo tuma e medidanan
necesario.
Finalmente, Inspectie kier a felicita SCC pa nan trabou y esfuerso pa regla nan permiso.
https://www.diario.aw/2019/06/stichting-cas-cristelle-ta-e-prome-cas-di-cuido-na-aruba-cu-a-ricibi-un-
permiso/