Page 43 - DVG_Neat
P. 43
Un logro historico pa Stichting Cas Cristelle
cu ta e prome cas di cuido na Aruba cu a
ricibi un permiso.
15 HORA PASA , 4 DI JUNI 2019 09:52
SECCION: SOCIAL
Inspectie Volksgezondheid Aruba:
Un logro historico pa Stichting Cas Cristelle cu ta e prome cas di cuido na Aruba cu a ricibi un
permiso.
ORANJESTAD, 29 mei 2019: Stichting Cas Cristelle (SCC) ta e prome cas di cuido cu a ricibi
su permiso pa exploita un cas di cuido firma pa Minister di Turismo, Salubridad Publico y
Deporte, sr. Danguillaume P. Oduber. Esaki ta un momento historico pa motibo cu te cu awo, e
ta e prome cas di cuido cu ta cumpli cu e rekisito di permiso cu ta stipula den e Ley di Cas di
Cuido cu a drenta na vigor na 2017.
Despues di e dos rondnan di bishita di inspeccion na tur e casnan di cuido na Aruba den 2018,
Inspectie Volksgezondheid a duna tur cas di cuido te cu 31 di juli 2019 pa regla nan permiso na
Seccion Cuido di Nos Grandinan na Departamento di Salud Publico (DESPA). Na Seccion
Cuido di Nos Grandinan, e casnan di cuido ta wordo asisti cu e “fast-track” pa haya bishita di
control di Brandweer, DTI y seccion di Higiena di DESPA. Ora cu e casnan di cuido pasa
inspeccion y keuring di e instancianan menciona aki, nan lo ricibi aprobacion pa bin na remarke
pa un permiso.
