Page 11 - AHATA

Diahuebs, 13 September 2018 AWEMainta 9

A.T.A. a lansa e proyecto piloto ‘Aruba Quality Seal’
Sistema y seyo pa evalua y reconoce calidad y servicio

Siman pasa a marca e lansamento oficial di
e programa piloto, e ‘Aruba Quality Seal’.
Durante e fase di investiga y colecta data
p’asina formula un programa pa midi y
reconoce calidad di producto y servicio,
mas cu 12 otro programa internacional a
wordo evalua.
Ademas, diferente dialogo cu experto y
participantenan potencial a tuma lugar,
p’asina desaroya un lista di criteria cu ta
aplicabel pa ‘Aruba Quality Seal’, cual ta
criteria lo uza pa haci check na diferente
negoshi.

A.T.A. a contrata QESH, un entidad di au-
ditoria localisa na Aruba, pa t’e partido in-
dependiente cu ta conduci e checkmento y
establece -a base di cumplimento- ken ta bin
na remarke pa un seyo ‘Aruba Quality Seal’.
15 Diferente compania, den sectornan di
‘retail’, restaurant y actividadnan, lo forma
parti di e etapa piloto y a ricibi mas infor-
macion siman pasa. Ta anticipa cu e perio-
do piloto lo tin un duracion di 6 pa 9 luna.

Profesionalismo y stan-
dard den industria turistico
A.T.A ta sigura cu e ‘Aruba Quality Seal’ lo
bira un herment di desaroyo den negoshi
y asina establece y yuda mehora e nivel di
profesionalismo y standard den nos indu-
stria turistico.
E sistema aki ta diseña pa promove y midi
calidad y nivel di servicio di negoshinan,
cu meta pa nan (sigui) satisface y hasta
surpasa expectativa di consumidornan.

E rason principal cu a lansa e proyecto
piloto aki ta p’asina sigura cu e ta facil y
practico p’e companianan permitiendo cu
consumidornan por reconoce e balor cu ta
wordo brinda n’e establecimientonan aki.
Durante e etapa piloto lo evalua e sistema,
con practico esaki ta. Aunke cu e enfoke
di e programa p’awor lo ta riba restaurant,
actividad y retail, den futuro lo por añadi
mas sector.

QESH, un compania cu ta certifica na Aru-
ba pa mas cu 25 aña, lo ehecuta e parti di
auditoria den un forma imparcial, y lo op-
era tambe manera consehero p’asina sigura
cu e proyecto ta uno integro y productivo.
Despues di e programa, A.T.A. lo lansa e
‘Aruba Quality Seal’ oficialmente na escala
nacional.