Page 21 - FDLP

Aruba A Hacipresente N’e VII Campeonato

Latinoamericano Di Kendo, Cali, Colombia

 Deporte
- 03/06/2019

Un delegacion Arubano di Kendoka a haci un bon papel durante e di 7 edicion di e
Campeonato Latinoamericano di Kendo (spada Hapones). E evento aki a tuma lugar na
Cali, Colombia, di 23 te 26 di mei ultimo.
Aruba tabata representa den categoria Juniors (13-16 aña) cual tabata un mix di mucha
homber y mucha muher.

Danbi Velásquez y Vincent van Lindert (ambos di 14 aña di edad) a lucha den e categoria
aki. Mayoria di e atletanan den e grupo aki tabata Brasileñonan di descendencia Hapones.
Nan tradicion den Kendo ta remonta te na 1908, ora e prome imigrantenan Hapones a
establece nan mes na Brasil.
Artenan marcial manera Kendo (e ‘caminda di e spada’) a mantene nan vincula cu nan
raiznan Hapones. No ta por nada cu e Brasileñonan ta domina Kendo Latinoamericano
for di dia bieu.

Di bes encuando, sinembargo, tin un of otro kendoka di otro pais cu ta logra kibra e
hegemonia Brasileño. E aña aki no tabata e ocasion manera dos aña pasa, ora Danbi
Velásquez a gana oro den e categoria Junior Femenino. Danbi a hay’e den un grupo cu
tres mucha homber: un Ecuatoriano y dos hoben Brasileño.