Page 22 - FDLP

El a logra gana su prome partido contra e Ecuatoriano, pero e mester a baha cabes pa e
dos Brasileñonan.

Vincent van Lindert, kende a participa pa prome biaha riba e nivel internacional aki, a
bringa duro, pero contra su oponentenan cu mas experiencia e tambe mester a reconoce e
superioridad Brasileño.
Den categoria Ekipo Femenino, Aruba a manda un team di 4 dama, pues incompleto ya
cu un team ta consisti tipicamente di 5 atleta. Sinembargo, e 4 damanan Arubano (Saskia
Kole-De Wolf, Oriana Wouters, Angela Lie-A-Lien y Eun Jung Kim) a logra sali di nan
poule preliminar, apesar di derotanan contra Argentina y Brasil, pero ganando e damanan
Colombiano convincentemente.
Den e ronda eliminatorio despues, lamentablemente Aruba no por a supera e obstaculo cu
yama Ecuador.

Den e categoria Damas Individual tabatin mas exito pa Aruba. Aunke Saskia y Oriana no
a logra pasa p’e fase eliminatorio, Angela Lie-A-Lien y Eun Jung Kim si a logra esaki.
Angela a yega ta na 4 final, mientras Eun Jung hasta a yega na e final. Ora e tempo
regular a pasa sin ganador, mester a extende e pelea te ‘sudden death’.
Lamentablemente, e punto a cay pa su oponente Brasileño, cual tabata nifica un di dos
lugar den e clasificacion final di Damas Individual.

E ultimo categoria cu un representante Arubano tabata esun di Masters. Den pasado
Sergio Velásquez a gana e titulo aki dos biaha caba. Den e extension di semifinal Sergio
mester a concede un punto di su oponente Colombo-Venezolano Ariel Pintos, kende
despues tambe a gana e final contra Eddy Devisse di Trinidad y Tobago. Sergio a keda cu
e premio pa di tres lugar e aña aki.
Ademas di e competencianan tambe por a probecha di e oportunidad di haci examen di
grado. Oriana Wouters tabata Aruba su unico candidato pa examen y a culmina esaki
exitosamente cu e grado di 2-dan.