Page 88 - KPA

Di Acuerdo Cu Fraccion Di MEP: AVP Ta Culpa

Venezolanonan Pa E Ola Di Criminalidad

 Politica
- 11/04/2017
Parlamento di Aruba a debati diamars ultimo riba e tema di criminalidad. Di parti
di AVP Clarisca Velasquez a expresa nan sosten total y ciego na Minister
Dowers.

Pasobra segun Velasquez cu el a mira cu Aruba a bira mas sigur.

Pa Velasquez e problema ta e Venezolanonan. Nan tin culpa di e ola di
criminalidad. Ta e situacion na Venezuela ta e causante di e ola di criminalidad
na Aruba.

Velasquez obviamente ta mes desepera cu henter AVP. Nan ta culpa henter
mundo, pero no kier mira e responsabilidad cu nan mes tin.

Hecho ta cu criminalidad tin 7 aña ta aumentando drasticamente, hopi prome cu
e problermanan na Venezuela. E tempo ey AVP a bisa cu ta percepcion di
comunidad.

Despues a culpa mayornan cu no ta cria nan yiunan drechi. Despues hasta
prensa a haya culpa.

Y awor ta e Venezolanonan.

Esaki ta prueba cu AVP mes no por atende cu e tema aki mas. Si den 7 aña e
Gobierno aki no por a logra, den e siguiente 6 lunanan sigur nan lo no logra mas.
Pero pa culpa e Venezolanonan pa e problema, ta algo di condena.

http://awemainta.com/di-acuerdo-cu-fraccion-di-mep-avp-ta-culpa-venezolanonan-pa-e-
ola-di-criminalidad/