Page 24 - BNDIA ARUBA

A24 RIBA CAYA
Diahuebs 16 augustus 2018

Chauffeur a dal den barancanan na Rooi Frances

ORANJESTAD - Den e birada di Rooi Frances pa Rooi Taki,
un chauffeur a perde control pa un of otro motibo y a bay dal
e auto den e barancanan cu tin banda di caminda. No tabata
tin persona herida, pero daño material tabata considerabel.
Polis tabata presente y roadservice a keda solicita.

Hoben siñando con pa core auto ta drenta mondi

ORANJESTAD - Dialuna anochi un hoben siñando
con pa core auto tabata den compania di su mama, ora
cu den e birada skerpi di Sero Janchi a perde control y
a bay stret drenta mondi dal den cadushi.

Algun di e cadushinan a cay riba e auto causando daño,
pero no tabata tin ningun persona herida. Polis a presenta
pa tuma dato y e famia a keda encarga pa yama takelwagen.