Page 44 - KPA JAN 10

Enrique Maduro DTI: Poco interes tur aña pa keur trailer di
banda participando den carnaval

Monday, 09 January 2017 21:22
Comparti

Maduro a splica cu aunke cu ta bisa cu esakinan mester cumpli, pa nan ta den carnaval
cu siguridad, pero mirando e añanan cu a pasa, masha poco interes ta di e
participantenan den e carnaval cu nan trailer ta bin eynan pa keur.
Falta interes riba esaki segun Enrique Maduro cu ta hefe suplente na DTI. Tin uno cu
semper ta cumpli tur aña cu ta check su trailer for di trempan y esey ta Los Laga Bai.
Tin biaha e ta bay, bolbe bin bek, pasobra e no a pasa bon y bolbe bin bek check. E
responsabilidad cu e tin ta hopi grandi cu e ta participa cu siguridad den parada, segun
Maduro. Esey ta Los Laga Bai.
Hopi no ta presenta

Locual cu DTI por haci ta pa duna oportunidad pa bin keur y manda e preocupacion den
medionan di comunicacion cu esaki ta hopi importante, pa no solamente pa e participantenan
hunto cu nan den carnaval, pero pa e mironesnan tambe cu cualkier cos por pasa cu por bay
malo por costa bida di un persona y ta conseha pa haci esaki. Pero e control mes mester bin di
polis. Cu acerca e organisacionnan, pa por cumpli y mara nan mes tambe riba siguridad riba
caminda.

DTI ta keur den siman. Por traha afspraak. Pero si e interes bira hopi y por bisa cu si tin mas di
e trailernan pa bin riba un diasabra, sigur sigur lo por haci'e. Ta duna e oportunidad aki. DTI ta
preocupa cu ta habri luga cu nan por bin. E interes tambe mester por bin pa por planifike. Si
haci'e pa un so, tin cu bin organisa na DTI pa un persona. Mester ta honest. Ora cu hinca
tempo den dje ta costa placa. Si ta pa un so ta bin keur, e ora ta prefera di hink'e den siman. Si
haya varios riba diasabra, e ta bal la pena hinca placa den esaki, esta paga hende, paga ekipo,
paga coriente, etc., pa bin riba un diasabra.

Mirando e interes cu tabata tin den e añanan cu a pasa, mayoria pa no bisa tur, no ta bin pasa
keuring cu por bisa cu nan ta sigur. Hopi aanhangwagen, ta polis ta carga e parti di
responsabilidad ey cu nan ta wak e siguridad.