Page 45 - KPA JAN 10

Keuring ta un di e reglanan cu tin den carnaval pa
vehiculonan cu ta wordo uza den parada

Monday, 09 January 2017 21:01
Comparti

Nos ta den temporada di Carnaval y carnaval no solamente ta ambiente y goso, pero tin regla tambe. Keuring ta un di
nan pa cierto ekiponan pa participa den carnaval. Enrique Maduro ta hefe suplente na DTI, kende a splica un tiki
kico ta bon pa tene cuenta cune y con e keuring ta bay.

Maduro a splica cu DTI ta wak riba e partinan di siguridad, no solamente e parti di vehiculonan, pero riba diferente
tereno. Tratando e parti di vehiculonan cu ta participa den Carnaval, DTI ta keur e trailernan cu probablemente ta
considera esunnan cu ta hiba e musiconan cu ta pega na un trekker. Ta waknan mescos cu ta wak e opleggersnan cu
ta lastra container. Ta keurnan di e mesun forma y nan tin un valides di un aña. E otro partinan cu ta wordo uza
tambe diariamente riba careteranan di Aruba y tambe den Carnaval, ta e aanhangwagennan of trailer, gran parti di
nan ta riba dos wiel, colga tras di un auto. E parti ey ta cay bao di polis, cu ta tira bista riba esaki y precies con e
procedura di parti polis riba esaki ta, DTI no ta na altura. Si nan tambe ta mara na rekisitonan pa cumpli cu ne pa
nan ta riba careteranan di Aruba.

Riba trailernan cu ta keur, ta wak e brakenan. Esey ta algo sigur. Ta wak e luznan cu nan ta funciona y cu nan ta den
bon condicion. Ta wak e condicion tambe di e trailer si e no ta demasiado frustia, cu e tin puntanan skerpi, etc. y su
haltura tambe cu e por core riba camindanan di Aruba si haci daño na tercera parti. Ta e partinan cu ta wak riba
trailer. Mescos cu e opleggernan cu ta lastra container.

Sali bay of no

Segun Maduro, nan mester yega DTI pa check e brakenan riba e mashinnan cu tin eynan. No tin auto suficiente ni pa
haci nan trabao diariamente riba otro terenonan, menos por tin pa sali bay check un auto of un trailer, of cualkier di
e partinan. Hendenan mester bin, haci un cita, paga pa nan cita y asina ey nan lo wordo atendi riba e dia cu tin e cita.