Page 19 - MIN SJA 4 MARCH 2017

Aruba Investment Bank lo keda maneha Arugas

Friday, 03 March 2017 17:19

Comparti

Un tema cu nos a combersa cu Frendsel Giel, director di Aruba Investment Bank, ta Arugas. Nan ta doño
di e compania di suministro di gas. El a splica cu AIB a cumpra Arugas ya 10 aña pasa.

Inicialmente nan tabata di pone den nan portfolio pa paga Equity. Tempo a pasa mientras tanto. E
compania un biaha mas ta un compania semi-monopolistico. E ta e unico compania di gas na Aruba y ta
pesey mes ta rekeri pa AIB como un banco Arubiano, cu accionistanan Arubiano 100% por bisa, cu esey a
hiba tambe cu awor aki mester ta cauteloso pa loke ta e compania aki si ta bay hiba na un benta
eventualmente. Giel a agrega como e compania cu ta entrega gas y tambe cu tin un mision social
economico, ta hiba cu no por handle sin mas cu ken cu ta si lo desea di bende e compania of. Pa e
momento aki, tin hopi compania internacional, hopi partido ta acerca AIB pa loke ta benta di e compania
aki, pero na e momentonan aki, como AIB, lo prefera di oper’e, evaluando cada paso, pero tambe den un
bon consulta cu Gobierno. Eventualmente ta pueblo di Aruba ta esun cu ta wordo suministra gas
domestico na dje y den e caso ey e tin un rol importante. No ta sin mas, como un compania responsabel
lo por bende Arugas pa cualkier partido.

Esey ta un meta cu nan a haci cu nan mes cu ta cumpliendo tambe cun’e. E compania ta operando
eficientemente. Ta empleadonan hopi capacita y gerencia tambe cu ta percura pa un compania na un
manera eficiente. Esey a causa tambe cu pa e ultimo 10 añanan e prijs di gas domestico no a subi. Tabata
tin momentonan caminda cu e prijsnan tabata surpasa e balor cu ta bende un boter di gas. Debi cu tin e
rol social economico, nunca no a kier a adresa e asunto aki. Pero mientras tanto e compania ta
produciendo un entrada cu ta cubri e gastonan tambe, pero hunto cu esey ta duna e accionistanan tambe
un return of investment, cu ta acceptabel, lo mantene den e normanan eynan, den e prijs eynan. Mester
wak e 10 añanan, a subsidia e prijs di gas adicionalmente substancialmente pa loke ta e gas domestico.

Si otro partido drenta, e por ta dificil, pero ta importante cu e plainfield ta level, cu nan lo take care di e
parti domestico tambe cu hopi hende lo kier drenta pa e parti comercial so. Pero e parti comercial ta e
parti cu ta duna ganashi naturalmente. Pero AIB ta take care di tur dos banda. E partido cu drenta lo
mester toch tin e mesun rekisito cu AIB cu ta drenta pa take care di e parti domestico tambe, e ora por tin
un competencia. Competencia nunca ta malo, ta miho so e ta. Solamente tin cu wak si tin mercado pa dos
compania di gas aki na Aruba. E ora ey, si e sobrevivencia lo ta posibel. Competencia semper ta sano,
segun Giel.