Page 24 - MIN SJA 4 MARCH 2017

Nos hendenan cordialidad unico ta haci cu e turista ta bin bek nos isla. Nos cordialidad
t’e punto cu mas ta resalta ora nos ta duna servicio na nos turistanan, asina e.o. e
miembro di fraccion di AVP, Clarisca Velasquez a duna di conoce.

“Nos Gobierno a percura pa inverti den nos producto Aruba e.o. bin cu tram den centro di
cuidad cu a “boost” nos producto Aruba, inverti pa drecha nos atraccionnan turistico y
nos infrastructura pesey awe Aruba ta wordo galardona cu diferente premio como mihor
destinacion den Caribe. Esaki ta danki p’e tremendo trabao di Aruba Tourism Authority
mihor conoci como Oficina di Turismo.

Aruba e aña aki a habri cu galardon como mihor destinacion den Caribe p’e agencianan
importante manera Expedia y Classic.

Aruba a wordo honra tambe cu nos Eagle Beach como e di tres beach mihor na mundo.
Nos ta sumamento orguyoso di e galardonnan y sigur di tur nos hendenan cu ta traha tur
dia hopi ora pa duna servicio excelente di cinco strea na nos turistanan.

Nos ta gradici tur nos hendenan p’e galardonnan ricibi, pasobra ta nan esfuerso di e
taxista te cu bendedora den e souvenirshop cu a haci esaki posibel.

Tur e bon noticianan aki ta estimulo sigur pa nos hendenan sigi duna e tremendo servicio
di cinco strea na nos turistanan y pa nos Gobierno sigi inverti den nos turismo manera e
ta haciendo cu ATA por sigi mercadea Aruba den exterior excelente manera cu e ta
haciendo te aworaki. Pabien Aruba y sigi cu e bon trabao den turismo!”, Clarisca
Velasquez a conclui.

http://awemainta.com/parlamentario-clarisca-velasquez-di-avp-a-felicita-aruba-pa-su-
bon-trabao/

Gobierno Di Mike Eman A Dicidi Pa Duna Retiro Na

Tur Miembronan Di Hunta Comisario Di Companianan
Cu Tabata Cay Bao Di Minister Otmar Oduber