Page 28 - MIN SJA 4 MARCH 2017

comerciantenan nobo y hoben. Duna nan un speransa cu na Aruba por haci
negoshi facil y haya placa fia na un interes faborable. Ta cosnan cu na e
momentonan aki no tin”, e Parlamentario ta mustra.

“Otorgamento di tereno mester bay na un manera transparente y mester percura
pa tur peticion di tereno di pueblo y di nos hobennan wordo acomoda. No mester
bay paga of roga Minister pa un tereno. Nos mester di transparencia. Tur hende
mester por sa kende a pidi tereno, kende a haya tereno y pakico a haya tereno.

Nos tin cu inverti hopi mas placa den enseñansa, no solamente den cosmetico
sino den contenido. Enseñansa mester bira atractivo pa nos hobennan. Deporte
a wordo lubida y neglisha y aki tambe nos partido lo bay inverti den esaki”, sr.
Oduber ta sigura.

“Nos hobennan ta nos futuro di mayan y si nan wordo neglisha manera a sosode
e ultimo 8 añanan aki nos pais NO lo tin futuro. Ami ta kere den e potencial di
nos hobennan, mi ta kere den un miho mayan pa nos hobennan y mi lo traha dia
y anochi pa haci esaki posibel pa nos hobennan y nos hendenan tin un miho
mayan!”, Dangui Oduber a duna di conoce.

http://awemainta.com/dangui-oduber-mep-mep-lo-crea-perspectiva-pa-nos-hobennan-
nos-ta-kere-den-nos-hobennan/