Page 25 - MIN SJA 4 MARCH 2017

Ayera tur miembro di Hunta Comisario di e companianan estatal, kendenan a keda
nombra for di tempo cu Otmar Oduber tabata Minister, a keda retira ayera.

E pregunta ta, si esaki tabata necesario, mirando cu falta sigur 9 luna p’e proximo
Gobierno nobo sinta, despues di eleccion dia 22 di september awor.

Nos ta bisa cu tur miembro di Huntanan Comisario, maske cu intento a ser haci pa retira
esnan di AAA N.V. tambe, pero a dicidi di wanta esaki. Pa menciona algun di e
companianan estatal ta: ANSA, Arubus, ATA, Santa Rosa, unda cu excepcion di Arubus,
a percura pa bon entrada.

Awor si ta pa bisa, cu esaki lo yuda na spaar Gobierno placa na salario, no
necesariamente t’asina, pasobra Gobierno aki lo tin cu nombra otro persona pa forma
parti di Hunta Comisario nobo.

Y si ta papia di spaar placa, net e medida cu Prome Minister Mike Eman a tuma relaciona
cu AruParking, te awor a costa un perdida di 300 mil florin, y consecuentemente, di
acuerdo cu informacionnan recibi, Arubus no por cumpra busnan nobo cu nan tabatin
planea pa haci.

Den esnan cu a haya retiro ta e.o. tata di Minister Richard Arends, esta Simon Arends,
loke sigur no a cay den bon tera den seno di famia.

Hopi ta mira e accion aki, como un forma di persecusion, maske cu Prome Minister Mike
Eman na varios ocasion a declara cu e no ta gusta na retira ningun hende, pero awor si t’e
caso. Pakico anto?

http://awemainta.com/gobierno-di-mike-eman-a-dicidi-pa-duna-retiro-na-tur-
miembronan-di-hunta-comisario-di-companianan-cu-tabata-cay-bao-di-minister-otmar-
oduber/

Dangui Oduber (MEP): MEP Lo Crea Perspectiva Pa

Nos Hobennan! Nos Ta Kere Den Nos Hobennan

 Politica
- 03/03/2017