Page 18 - ATA
P. 18
E hoben atleta Wuill Vrolijk miho conoci mane Willy Boy ta haye enfrenta cu un reto financiero pa por
bay representa Aruba na weganan di CARIFTA cu lo tuma lugar aki dos siman na hermana isla
Curacao.
Segun informacion, e hoben aki ya caba mester a cubri parti di su gastonan na aña 2015 y 2016 no obstante cu
ta representando nos pais y cu bon resultado. Un comunicado cu a keda publica ta bisa cu durante e ultimo
simannan aki Wuill a sa di demostra cu e ta clasifica riba tur e otro atleta nan cu a presenta pa e testnan sin
importa cua eventonan e’la test pe y sin importa con halto e standard di cualificacion ta.
E comunicado ta sigui remarca cu ta despues di e prome testnan, Arubaanse Atletiek Bond (AAB ) a pone un
standard extra di cualificacion pa Wuill den e evento di Octathlon mientras cu e standard pa tur e otro atleta
nan (AAB) a baha. Tambe a keda treci dilanti e pregunta di unda e placa a keda cu AAB posibelmente lo ta
debe Wuill.
Ta haci un yamada na tur persona, compania of instancia cu kier duna un man na e hoben atleta aki pa bay
CARIFTA, pa tuma contacto cu e pagina di Facebook di Aruba &-21 Athletic.
Ta buscando reaccion di AAB riba e asunto aki.
