Page 23 - ATA

Red Machine ta invita su fanaticada pa e final di nos baseball
AA

Thursday, 30 March 2017 15:51
Comparti

Diabierna awor e gran final di nos baseball AA ta bay cuminza caminda cu Red Machine lo bay enfrenta e
equipo di ATCO Concrete Indiands, e rivalnan di siglo 21, na Stadion Nadi Croes/ Crismo Angela pa
19:45. E play-off final lo bay ta un best-out- seven series caminda e prome equipo cu gana 4 wega lo sali
campeon di nos baseball AA, e liga di mas halto na Aruba.

Red Machine, popularmente conoci como Marlboro ainda, ta buscando su di 24 titulo di campeon na
Aruba. E directiva di Marlboro Sport Club y su equipo di Red Machine, hunto cu su hungadornan, ta
invita e trein corra di fanaticada pa e prome encuentro diabierna awor y tambe pa e resto di final. E
weganan lo ta diabierna pa 19:45, diasabra pa 19:05, dialuna pa 19:45, diamars pa 19:45,y si ta necessario
diahuebs pa 19:45, diabierna pa 19:45 y diasabra pa 19:05. Corda bin bisti na corra of preto, pa nos
demonstra apoyo na nos equipo. Y tambe nos tin un invitacion special nos heroenan di Marlboro pa ta
presente. Henter pueblo ta invita pa apoya bo equipo preferi y aporta na nos baseball local…. Chuuu
Chuuuuuu Marlboro Sport Club ta un association di deporte funda 10 di april 1959. E association tin
como meta pa promove y hasi practica di differente ramonan di deporte, ademas promociona relajacion
adequado y entretenimiento pa su miembronan.