Page 10 - MIN ON 22 APRIL 2017
P. 10
Green’sCool Aruba ganador di Business Innovation Creativity
(BIC) award
Friday, 21 April 2017 23:44
Comparti
Bianca Peters, Director di Bureau Innovatie a haya un enorme sorpresa durante su partipashon na e OCTA
Conferencia cu a tuma lugar na Ponta Delgada, Azores siman pasa. Bureau Innovatie a wordo premia cu un award.
E award aki ta a base di Green’S’Cool Foundation cu a keda estableci na 2013 y ta un iniciativa di Bureau Innovatie.
Cu e ley cu a drenta na vigor dia 1 di januari 2017 pa prohibi saco di plastic den tiendanan na Aruba, e departamento
activo aki di Bureau Innovatie a cuminsa informa y conscientisa e publico en general online y mas importante a
bishita scol mescos tambe otro organisacion y gruponan pa asina ilustra e importancia di e ley aki.
Tambe a organisa un competencia pa grandi y chikito, pa traha imagennan con ta mira e futuro ideal pa Aruba aki 30
aña. Cu e meta importante pa crea mas conscientisacion den pueblo di Aruba pa accepta y pa asina crea un Aruba cu
un manera di biba mas sostenibel posibel.
Luna pasa tur participante a entrega nan diseño, pa asina ta parti di e competencia di diseño di Green’S’Cool
caminda creacion di e ganador ta wordo imprimi riba saco re-usabel y lo wordo bendi cu turista y pueblo di Aruba. E
fundonan ta wordo uza pa proyectonan di Green’S’Cool den futuro.
Basa riba esey, OCTA – cu ta asocia cu Union Europeo - responsabel pa innovation pa sustainable islands growth, a
recompensa Bureau Innovatie den forma grandioso cu e BIC Award. Sin duda cu esaki pa Bureau Innovatie y Aruba
ta algo grandi. Ta di dos biaha cu e Bureau ta ricibi un BIC award. Aña pasa BI a gana e premio cu TEDxAruba.
http://www.24ora.com/index.php?option=com_content&view=article&id=121062:greenscool-aruba-
ganador-di-business-innovation-creativity-bic-award&catid=1:local&Itemid=5
