Page 24 - FDLP

A18 DEPORTE
Diamars 30 OctOber 2018

Torneo anual di SV Flatstone Softball SKAK

ORANJESTAD - Den e
weekend cu a pasa a tuma
luga e gran torneo anual
di SV Flatstone Softball
SKAK, caminda cu dife-
rente ekiponan di Corsou
di diferente compania y
hasta di polis tabata pre-
sente na Aruba, pa asina
enfrenta diferente ekipo
di Softball di Aruba.

Diabierna ultimo a tuma
luga e partido entre ekipo di
polis di nos ruman isla Cor-
sou contra ekipo di softball
di polis di Aruba, caminda cu
nan a bataya te na final. Na
cuminsamento di partido, e
ekipo di polis di Corsou ta-
batin e partido domina te den
e delaster inning, cu score
di 4-6, caminda cu ekipo di
polis di Aruba ta bin di atras
den e delaster inning y gana e
partido pa asina laga ekipo di
polis di Corsou riba tereno.

Despues di e partido aki a
tuma luga e gran apertura,
caminda cu ekiponan di Cor-
sou tabata presenta hunto cu
ekiponan di Aruba. Ta bon
pa remarca cu gran evento
aki wordo dedica na e ekipo
di ‘Flatstone Seaview Cargo’
pa e tremendo temporada cu
nan tabatin den 2017-2018
den Campeonato di Little
League y ABBA.

Fuera di esey e evento aki a
fungi como un fundrasing pa
ekipo di Flatstone Seaview
Cargo, pa asina a haya fondo
pa cumpra mas materialnan
di baseball.