Page 12 - BNDIA ARUBA

a12 riba caya
Diabierna 8 Maart 2019

Accidente fuerte na

Gasparito entre dos auto y

tres herido

NOORD - Diaranson atardi den e birada skerpi di Gas-
parito, un dama tras di stuur di un Kia Rio a perde con-
trol, bay den banda contrario ,dal basta duro den un
BMW.

E impacto tabata fuerte, unda tur e tres persona den e Kia Rio
a resulta herida.

Ambos auto a keda basta kibra. Ambulance a presenta pa
atende cu e victimanan. Polisnan tabata tin e caminda cera y
polis di departamento di trafico a haci nan investigacion, unda
a resulta cu e Kia Rio no tabata tin documento mes.

Homber cu arma di candela y boei den auto tabata persigui un dama

PALM BEACH - Diaranson anochi, patruyanan di
Strand Politie a logra para un auto shinishi riba J.E
Irausquin blvd, cu pa basta rato tabata persigui un
dama.

Polisnan den un forma tactico a logra para e auto y bay atende
cu e chauffeur. E hoben no por a demostra rijbewijs, ni nin-
gun documento. Ora a listra den e auto, a haya un arma di
candela den poder di e hoben. Esaki a haci cu a detene di
biaha bay cune warda di Strand.

Eynan a cuminsa cu interogacion dilanti sub fiscal, unda ofi-
cialnan di atraco team tambe tabata presente. Departamento
forensico di Polis a yega pa saca potret di e arma y e auto.
Durante cu polis a listra mas profundo den e auto, a topa cu
un boei y a tuma esaki tambe den beslag. E auto tambe a keda
tuma den beslag.

Awor e hoben tin cu warda su dia yega pa e presenta dilanti
un fiscal.