Page 8 - KPA

Noticianan di polis pa 1 di April 2017

Tuesday, 04 April 2017 12:57
Comparti

Aki ta sigui un resumen di e noticianan di polis pa dia 1 di April, 2017.

Ladronicia den cas na Sabana Liber

SABANA LIBER - Central a manda patruya na un adres na Sabana Liber pa un caso di ladronicia. Eynan a papia cu e
homber J, kende a declara cu e ta bezig ta huur un cas na Sabana Liber. El a declara tambe cu desconocidonan a bay
cu un cilinder di gas chikito cu tabata na un BBQ Grill. Tambe nan a purba di kibra drenta den e cas den cuater
diferente caminda, por medio di dos porta y un bentana parti patras di e cas y un otro bentana banda pazuid. E
Intento aki a wordo denuncia na polis. Central y departamento tecnico a wordo poni na altura.

Ladron a wordo gara pa habitantenan di cas na Ponton

PONTON - Comandante na warda a manda polis na un adres na Ponton, pa un persona cu a wordo gara den cas door
di e habitantenan y cu nan lo tabata tin’e wanta en espera di polis. Eynan a bin topa cu e conocido homber K. E
denunciante a declara cu e tabata den su camber ora cu el a mira un homber desconoci via imagennan di video. El a
bay pafo pa controla y durante control, el a mira un homber desconoci ta bula cura y a core bay direccion pabao. E y
su bisiña a core su tras y a logra pa nan want’e te ora cu polis a yega. K. a wordo hiba warda na Shaba, caminda cu el
a wordo presenta dilanti di fiscal auxiliar. Central a wordo poni na altura.