Page 27 - HOH

E lema di e aña aki ta “Kidney healthy everywhere, everyone”. El a bisa cu rond mundo
e problema di riñon ta subiendo drasticamente. No na Aruba so, pero mundialmente, a
remarca.

El a indica cu tur hende mester preveni pa no bira malo y no haya malesa cronico. E
malesanan cronico aki ta esunnan cu ta pone cu ta haya problema cu riñon of cu e
riñon ta bay atras.

Kico por haci pa no haya problema cu riñon? Na prome, controla cerca docter di cas. Na
di dos lugar, si bo ta sufri di un malesa cronico, preveni pa bo no haya otro malesa “Por
ehempel, si bo ta sufri di diabetes, preveni pa bo no haya presion banda di dje. Dicon?
Pasobra bo ta haci e problema mas erg di locual e ta”.

Si abo ta bebe remedi, purba di mantene bo remedi. Controla cerca bo docter di cas y
purba di bebe mas awa cu bo por. E maximo ta den promedio 2 liter pa dia. Esaki ta
nifica cu ora bo ta bebe awa suficiente, bo ta laga bo riñon traha suficiente pa e filter,

haci e riñon y e sanger limpi, liber di toxina, Bromet a señala.

Por combina esaki cu ehercicio y otro actividadnan pa asina purba keda mantene un
estilo di bida saludabel.

GRUPO DI DIALYZE TA GRANDI

Na Aruba, a sigui bisa, e grupo di dialyze, cual ta e grupo cu tin problema cu e funcion

di nan riñon, ta basta grandi.

Tin hopi pashent cu tambe ta bayendo den e direccion aki y cu ta pre-dialyze. E
canridad aki ta calcula cu ta 80 persona bay ariba.

Actualmente, e grupo cu ta haya dialyze, na ImSan y na Hospital, tambe ta mas cu 80
persona. Pesey mester ta hopi cauteloso pa preveni e problemanan di riñon, Nastasha
Bromet a remarca.

https://www.diario.aw/2019/03/problema-cu-rinon-ta-subiendo-
drasticamente-rond-mundo-y-aruba-no-ta-un-excepcion/