Page 16 - ON JAN 17

Awor esnan envolvi den enseñansa a bin cu un solucion cu por brinda un parti grandi
cu ta wordo afecta door di esaki. “ Awe nos ta introduci GED, General Education
Development. E ta un programa cu ta duna un diploma ekivalente na un “highschool
diploma.” Esaki ta nifica cu ora un studiante completa esaki, na final di dia apesar di
cualkier trayectoria anterior pues kisas e no tin diploma di MAVO, EPB of di HAVO, e
por drenta un estudio superior.

Tin algun rekisito pa por drenta e programa aki pero ora caba e estudio aki e studiante
lo tin un “highschool equivalancy credential.” “E diploma aki ta wordo mira igual na
cualkier instituto cu ta reconoce esaki como un diploma cu por uza pa drenta un estudio
superior. Pues studiantenan cu actualmente kisas no a logra caba un scol toch por
drenta na nivel di college na Merca, Canada of otro paisnan cu ta reconoce esaki. Pa
nos esaki ta un oportunidad pa cambia e panorama completamente pa nos
studiantenan cu por ta na e momentonan aki no tin opcion pa sigui studia y awor, cu e
esaki, nan lo por toch yega na un diploma riba nivel di enseñansa superior,” e
mandatario ta bisa.

E GED ta wordo ofreci door di International School of Aruba… “y ta bay ta
completamente subsidia pa gobierno cu excepcion di e examen cu studiantenan mes
mester por paga na un costo di US$140. E rekesitonan cu tin mester ta paspoort
Hulandes, bo mester ta inscribi na censo Aruba pa por lo menos cinco aña y bo mester
ta 17 aña bay ariba,” e ta agrega. No mester tin diploma anterior, simpelmente mester
por sigui e curso na Ingles riba cierto nivel pasobra e programa ta na Ingles.

GED ta un estudio flexibel den e sentido cu e ta bay ta anochi cu ta nifica cu esnan
interesa cu ta traha den dia lo por sigui esaki. Mas aleu, e duracion ta a base di bo
rapides. “Asina ta si bo tin ya caba bon conocemento di algun di e temanan presenta
den e programa lo bo por cabe dentro di seis luna, por ehempel. Esnan cu tin mester di
un tiki mas preparacion lo por tuma un aña of mas depende riba nan preparacion
anterior,” Minister Hooyboer-Winklaar ta amplia.

“Nos ta sumamente contento cu por trece e opcion aki y cu e lo wordo ofreci na asina
un cantidad grandi di studiantenan, mas o menos 200 studiante pa aña, pero nos lo tin
cu wak ki interes tin den esaki. Pero pa nos e ta un oportunidad pa trece un solucion pa
un problema cu nos tin den comunidad. Cu esaki tin acceso na un calidad di enseñansa
y na Ingles cu hopi hende ta pidiendo p’e y cu tin un conexion na nos enseñansa
superior cual pa nos ta algo sumamente importante pa por hisa e nivel di tur esnan cu
tin ambicion pa sigui y cu e programa aki e ta bira posibel,” e mandatario ta conlcui.