Page 17 - ON JAN 17

Alonso Tromp no ta miembro di PDR y por si acaso e
miembrecia a wordo termina

Tuesday, 17 January 2017 08:25
Comparti

Despues di a ricibi carta oficial cu PDR y sr. Andin Bikker a distancia nan mes di Sr. Alonso Tromp, sr.
Tromp a bay radio y na un forma hopi baho a sigui instiga di lo ta “miembro”. Sr. Tromp a admiti
publicamente cu ela rabia y ta wordo dirigi dor di su frustracion cu e no por a haya siguransa riba un
puesto riba lista di POR.

Den e proceso ela lansa un hala di mentira e.o. cu lo a hacie promesanan di number riba lista di POR:
ban serio, pa e number dos cu e tabata ocupa riba lista di PDR ela admiti cu su resultado no tabata
alentador, despues ela bira inactivo pa mas cu 3 aňa y mey den politica y awo e ta bin ta demanda
number y puesto riba lista di POR? En todo caso ni sr. Alonso Tromp ni ningun di esnan cu e ta pretende
di representa den e grupo chikito cu ela malinforma pa firma un blanco spreadsheet, no ta miembro
conforme e statuutnan. Pesey a manda notificacion urgente cu nan supuesto “miembrecia” ta wordo
considera como termina, por si acaso cu nan lo por ta “miembro”. Ja cu Alonso Tromp y esnan cu ela
malinforma no ta miembro y si tabata miembro mes nan miembrecia mester wordo considera como
termina, nan actonan mal intenciona di yama “reunion” etc. ta sigui completamente sin base, y no lo
wordo reconoci. Ta di lamenta cu sr. Alonso Tromp den su afan pa puesto y sin ta activo den politica
desde 2013 ta cay den trampa di partidonan opositor (cu lo a primintie puesto riba lista) y ta malusa un
grupito inocente pa su propio interes personal. Loke ta ironico ta cu sr. Tomp ta pretende di ta para pa e
cumplimiento di e statutonan pero solamente ora ta cumbinie, paso awo diripente ela descubri statuut,
asina mes cu e no ta miembro y en todo caso nunca a cumpli cu obligacion di un miembro.

Ta conoci cu Camara di Comercio ta un organo cu ta scrutina tur persona, compania o instancia cu ta
prentende di registra cambionan na e registro na Camara di Comercio y cu den e eventual caso aki tambe
esey lo ta asina cu lo exigi di sr. Tromp mescos cu caulkier otro persona of instancia cu ta llega eynan cu
intencion di registra cualkier cambio di e registro. Pues si sr. Alonso Tromp ta pretende di tin supuesto
rason pa purba un “hostile take over” di PDR completamente di mala fe, basa riba interesnan personal y
obviamente dirigi pa partidonan opositor, e caminda pa Corte ta habri. Historia ta yena di esnan cu ta
purba yega na of kibra cosnan cu nan no a crea, su mala fe y energia destructivo no lo wordo recompensa.