Page 18 - HOH

ORANJESTAD (AAN): Comunidad di Aruba tin preocupacion grandi ora di bay hospital
pa bishita nan famia, mirando cu e desaroyonan negativo cu hospital ta pasando aden.
Ezzard Cillie, director di Hospital ta splica ariba e desaroyonan aki.

Un biaha mas, Sr. Cillie ta pidi su disculpa pa locual a pasa. Ta berdad, cu su persona
ta responsabel pa e cuido, hunto cun’e ta bay e edificio, cu e no tin responsabilidad
ariba dje. Pero mester cuadra.

Tin un instancia, e.o. SOGA, gobierno cu ta riba su persona continuamente y cu nan
razon. E lo mester duna cuido pero e ta sinti cu e tin asina hopi mala suerte cu cada
biaha tin algo cu e edificio, cu tin impacto directo riba e cuido.

Ta hustamente e cuido ta loke e ta responsabel pe, cu e no por dun’e debidamente,
debi na e incidentenan aki. E tambe tin cu para keto na e incidentenan aki, cu e no por
duna cuido. Pero berdad, e no ta na Hospital, hospital no ta ekipa tampoco, sino
parcialmente pa tira bista ariba esey. Pero esunnan responsabel no ta hospital. Nan ta

usuario cu ta purba yuda tira bista, sea pa duna gobierno critica ariba dje como usuario
pero tambe kico nan por haci diferente. Pero na final di dia, no ta hospital ta determina,
esey ta importante pa compronde.

Ademas, pa ley tambe aworaki Sr. Cillie ta responsabel pa e cuido pero no pa e edificio.
Aworaki, sea Sr. Cillie ta traha contra ley, of ley ta traha contra su persona. Pasobra
legalmente e ta responsabel pa e cuido cu ta wordo duna.

http://www.diario.aw/2018/10/ta-lamenta-cu-cada-bez-algo-pasa-na-edificio-di-hospital-esey-tin-
impacto-riba-cuido/