Page 16 - HOH
P. 16
Vacuna contra Keintura Geel a caba pues
ora di viaha bo tin di proteha bo mes
October 12, 2018
0
SHARE
-
ORANJESTAD (AAN): Nos ta den e temporada di aña unda awa ta yobe mas den region
di caribe y esaki ta trece cu ne tambe cu e cantidad di sanguranan ta bira mas.
Mas hopi e cantidad di sangura, mas grandi e risico pa malesanan transmiti pa sangura
manera Zika, Dengue, Chikungunya y Keintura Geel.
Na Aruba nos no tin e malesa di Keintura Geel, pero si nos tin e sangura cu por
transmiti esaki cu ta e sangura Aedes Aegypti. Door di introduccion di e regulacion nobo
pa turista procedente di paisnan cu tin keintura Geel na maart 2018 ta purba di
mantene Aruba liber di Keintura Geel mas largo posibel.
Como cu e regulacion aki ta solamente pa turista y no pa residente di Aruba, no por
descarta e posibilidad cu e malesa por keda introduci na Aruba pa un residente.
