Page 72 - MIN VOS

Published on March 28, 2017 in Boneiro
ORANJESTAD,Aruba

Minister Dr. Alex Schwengle a ricibi na su oficina RolandaHellburg-Makaai, Diputado di
Boneiro. Obhetivo di e bishita aki tabata pa intercambia di idea riba maneho di deporte
en general riba e islanan. Minister Dr. Alex Schwengle durante di e bishita a comparti
su vision cu Diputado Hellburg y a splica cu su maneho ta
basaribadiferenteaspecto. Mester a introduci cambionan strategico pa yuda maneho di
e federacionnan deportivo, den cual a trece cambionan pa sigura continuacion y
salvaguardia e calidad di cada deporte en particular. A traha riba fortificacion di e base
deportivo cu lo mester desaroya den aumento di e cantidad di participacion den deporte
den organisacionnan pero specialmente na scolnan. Implementacion di e
cambionanaki ta andando y lo ta bisto a largo plaso.

Diputado Hellburg a mustra hopi interes den e strategianan di maneho y financiamento
di deporte. Minister Schwengle di su banda a resalta e hecho di tin un comision cu ta
controla y ta maneha e subsidio cu e federacionnan ta ricibi a base anual y a splica
tambe e rekisitonan cu tin mara na esaki.Tambe Minister Schwengle a splica cu mester
a ahusta y trece cambio den maneho di e facilidanan deportivo riba nos isla ya cu nan
mantencion ta hopi importante pa nan por wordo uza optimalmente pa atletanan. Den
esaki e mandatario a splica cu e rol di Lotto pa Deporte ta sumamente importante.
Diputado Hellburg a keda masha satisfecho cu e informacion cu Minister Schwengle a
comparti cune y hunto a palabra cu caminda ta necesario, cu e mandatarionan lo por
sosteneotro