Page 78 - MIN VOS

Despues di retrazo di dos anja Parlamento awe a sali for di e
impasse pa skohe miembro di ARA

Tuesday, 28 March 2017 17:22
Comparti

Diaranzon 28 di maart 2017, Parlamento a reuni den un reunion publico pa por aproba un candidato pa
forma parti di Contraloria General. E peticion pa cu esaki ta data desde november 2015 den un carta di
Contraloria General dirigi na Parlamento. No por a yega na otro den e comision encarga cu Asuntonan
domestico.

Na november anja pasa despues di cambio di presidencia a sigui cu e proceso. A trata e asunto den
Comision Central dia 13 di december di anja pasa. No por a yega na un concensus, sin embargo a yega na
diferente proposicion y awe a skohe pa trata e proposicionnan den reunion publico. E resultado lo ser
manda pa Gobernador. Wyatt-Ras ta gradici coleganan pa nan cooperacion pa sali for di e impasse y pa
sostene e organo halto aki pa sigui haci si trabounan. Wyatt-Ras tin elogio pa e trabounan aki entre otro e
diferente jaarrekeningen cu a ser publica y trata dor di Parlamento. Di e forma aki Parlamento por keda
haci su trabou critico di controla gobierno. Parlamento ta keda den espera di un otro propuesta di ARA
pa nombra otro miembronan pa e organo aki.