Page 42 - MIN ARENDS
P. 42
Impacto economico directo Soul Beach
Music Fest ta di $5 miyon anualmente
Posted on 05/23/2017 8:40 pm AST | Updated on 05/23/2017 10:04 pm AST
ORANJESTAD— CEO di Aruba Tourism Authority, Ronella Tjin Asjoe-Croes a duna di
conoce cu e relacion cu organisadoran di e famoso Soul Beach Music Festival ta uno
fuerte, uno cu ta benificia tanto e organisador, pero sigur tambe Aruba su economia y
producto turistico. A.T.A. ta keda midi e efecto di e festival y ta keda stimula
organisadornan pa fomenta crecemento. Segun Tjin Asjoe-Croes, Soul Beach Music
Festival ta un di e eventonan durante aña cu ta haci di e oferta di Aruba, uno mas varia.
Productor ehecutivo y fundador di e Soul Beach Music Festival, Mark Adkins a duna di
conoce cu nan tambe ta mira con, den transcurso di 15 aña, e bishitantenan di e festival a
bira un comunidad riba nan mes cu ta sigui den contacto ora nan bay bek Estados Unidos.
Online tin ‘Aruba Meet Ups’ como tambe ‘Soul Beach Aruba Meet Ups’ cu ta un
comunidad virtual di hendenan cu ta sinti un relacion cu otro y nos isla y ta reuni cu otro
