Page 19 - MIN.ARTHUR DOWERS

AHATA Activo informando su miembronan riba ley cu ta
prohibi saconan di plastic

Wednesday, 04 January 2017 20:15
Comparti

For di aña pasa caba AHATA a informa tur miembro riba e ley di prohibicion pa saconan di
plastic , kico e ta inclui y e opcionnan cu nan tabata tin.

Asina tambe a informa cu nan a bin cu nan propio reusable bag como opcion pa nan.

Vanessa Rasmussen, cu ta miembro di e comision di medio ambiente di AHATA, a sigui splica
cu lo bin un tempo pa hende custumbra. Nan a haya seis luna, pero a base di loke ta wak, tin
compania cu nan ta cla for di December caba, pero otronan no. Vooral e ta mas tanto
comunicacion.

E ley aki ta inclui cu ta bay tin sancion pa e negoshinan cu no ta atende na e ley. Prome e lo ta
sorto di advertencia, etc. y lo incrementa te cu e por yega te na 10 mil florin. Dimes esaki ta un
informacion cu e detayenan por wordo duna mas door di parlamentario Donny Rasmijn, City
Inspector of tambe Departamento di Medio Ambiente.

Interes

Loke cu AHATA a haci ta cu nan a manda traha e saconan reuzabel. E tin logo di e grupo cu a
logra e ley. Esaki ta parti di e campaña di e team di Donny Rasmijn y a pone den nan saco como
simbolo cu AHATA ta sostene e campaña di concientisacion cu nan a bin cun’e. Otro
companianan, si nan ta desea di haci uzo di dje nan tambe por haci’e.

Pakico e tin e titulo “My bag is reusable” pa asina e turistanan por compronde e pakico di e
logo, segun Rasmussen.