Page 21 - MIN.ARTHUR DOWERS

bay robes den un instancia. Ta bon pa laga bon cla, cu for di cuminsamento di
2017, e parti di tareanan di inspeccion lo bay den man di Inspenctie di DVG
Aruba. Ta asina cu tur instancia di cuido medico na Aruba of instancia di cuido

manera creche of cas di cuido, mester percura pa tin e calidad in place. E
structura, e personal di calidad, tur esakinan mester ta na su luga. Den mayoria

di caso, esey ta asina y pesey no ta tende. Sin embargo tin casonan cu pa un of
otro motibo, cosnan ta bay for di man inesperadamente. Esey por tin

consecuencianan. Tin biaha e consecuencianan ta hopi grave. Den tipo di
casonan aki, e ora e departamento ta wordo notifica. Esaki ta sosode a base di

melding di personanan, esun afecta, of nan famia of cualkier persona cu por a
ripara, ta haci un melding na e departamento y ta pidi pa bay investiga kico ta
pasando na e instancia concerni.

Tambe e por drenta door di un keho. Ora cu haya un melding asina, ta evalua e
melding naturalmente, e ora ta forma un team multidisciplinario cu diferente

experto cu tin na directie. Y conhunto cu diferente colega ta bay na e instancia
concerni y ta bay haci un inspeccion e ora dirigi riba e melding cu a wordo treci

padilanti. Tin biaha tin inspeccionnan cu a yega di haci den pasado cu ta
general, hunto cu otro departamentonan di Gobierno. Por ehempel riba casnan

di cuido di anciano. E ora ta bay mas general.
Den casonan di un melding, e ora ta bay mas dirigi riba locual cu a wordo
informa pa wak y pa verifica si esey ta e caso of no, segun Escobar.