Page 30 - MIN.ARTHUR DOWERS

Hopi lugar a prohibi humamento prome cu e ley a drenta na
vigor

Wednesday, 04 January 2017 22:53
Comparti

Marlon Sneek a splica cu e parti di control riba benta di alcohol y humamento den areanan publico, ta
bao di Departamento di Salub Publico, pero polis tin tur autoridad di haci control riba esaki y caminda cu
tin infraccion, e atende cun’e.

E ley aki ta hinca den otro cu ta bay haya boet a base di e geldboetecategorie y banda di esaki mester bisa
cu tin un three strike out, den dje. Si haya tres biaha problema di infraccion cerca e negoshi, por perde
vergunning pa opera.

A pone e responsabilidad aki den e caso aki den man di e vergunning houder pasobra e ta e persona cu
directamente Gobierno tin un contacto cun’e y pesey tambe e ta bin den e vergunning y tambe ta bisa cu
mester duna instruccion na esnan cu ta traha den e negoshi pa hala atencion di un persona cu ta
haciendo esaki.

Prome cu e ley a bin, tin varios luga cu a aplica esaki. A mir’e na Ling's na Noord, Tai Hung Yung. A
wak’e na Glenn’s. De Palm Tours por ehempel no mag di huma den nan establecimentonan. Den e caso
aki tambe Total Cleaning tambe ta aplica e mesun regla.
Ora ta papia di un establecimento publico, no ta un caminda cu un hende ta bay cumpra algo di come of
bebe. Ta edificionan manera banco. Caminda cu tin un hende ta traha, doño di trabao tin cu tene cuenta
y pone atencion pa e hende aki ta traha den un edificio, espacio liber di huma y saludabel pa e por traha
den dje. No ta solamente edificionan caminda pa diberti of pa come, pero tambe ta conta pa cualkier
edificio na Aruba caminda cu tin hende ta traha, mester tene cuenta cu e hendenan aki por traha den un
espacio liber di huma.