Page 31 - MIN.ARTHUR DOWERS

Ley di prohibicion di humamento den establecimentonan
publico a drenta na vigor dia 1 di Januari

Wednesday, 04 January 2017 20:11
Comparti

Nos a papia riba e ley di prohibicion di humamento na cierto areanan. Esakinan mester a
drenta na vigor dia 1 di Januari 2017. Lider di fraccion di AVP

, Marlon Sneek a splica cu a trata e ley di stop humamento den establecimentonan publico pa
loke ta Aruba. Mester bisa cu per 1 di Januari, e ley a drenta na vigor, den e caso aki como ley
pa tur departamento di Gobierno. Pa tur instancia caminda cu ta haci deporte, pa loke nos
conoce como snack y restaurant. Y pa loke ta casino, e lo bin den un stage un tiki mas despues,
manera cu ley ta perscribi, pasobra a pidi pa tene cuenta cu nan tin cu haci modificacion y basa
riba esey a duna mas tempo pa por cumpli cu nan y por implementa e ley aki pa casinonan
tambe.

Mester bisa cu e ley aki a bin di un iniciativa di diferente lista y firma cu a haya, mirando cu
diferente henter cu ta traha den casino por ehempel, nan tabata bira malo y na dado
momento dokter a bisa nan cu nan lo mester bay busca un otro trabao of sigui traha den
casino, pero cu lo tin un consecuencia pa nan salud.

Banda di esaki tambe den e trabao cu a wordo haci prome cu a yega cu e ley di iniciativa, a
sinta cu SVB tambe y nan tambe a presenta nan preocupacion caminda cu nan ta bisa cu tin
hende cu nan tin cu duna nan AG pa nan bay traha, pero despues di 1 siman nan lo bin bek
pasobra e ambiente cu nan ta traha aden, ta pone cu nan ta bira malo atrobe.

Esey a pone cu a bin cu e iniciativa aki y banda di esaki tambe a piki e iniciativa di biaha, pa hisa
e edad di bendemento di alcohol na 18 aña cu a drenta na vigor dia 1 di Januari cu no mag di
bende alcohol na un menor di 18 aña.