Page 8 - ATA

Parlamentario Jennifer Arends-Reyes (AVP): Aruba

Su Turismo Ta Uno Madura Y Mester Mantene E

Calidad Di Turismo Y Servicio Sumamente Halto Pa

Keda Competitivo

 Politica
- 24/03/2017

Sra. Arends-Reyes a forma parti di e delegacion cu ta representa fraccion di AVP na e
reunion cu representantenan di IMF (International Monetary Fund) cu ta bishita Aruba
cada dos aña pa un mision pa busca informacion pa por evalua pais Aruba riba diferente
aspecto macro economico y duna nan sugerencia y punto di bista.

Durante e reunion aki a trece padilanti un biaha mas e importancia di Turismo pa Aruba y
e bon maneho di Turismo p’asina yega na hisa e balor of “value” di locual nos ta ofrece.

Turismo rond di mundo conoce un ciclo di bida of un “life cycle” y mester analisa y
realisa den cual fase cada pais ta y adapta nan mes na esaki. IMF a categorisa e
destinacion di Aruba como uno madura of “mature” manera nan a bisa y nan a keda
sumamente impresiona con nos Tourism Authority di nos isla ta adapta na strategia di
mercadeo basa rib’e ultimo tecnologianan y strategianan cu tin pa mercadia e producto
Aruba.