Page 13 - MIN ECEM 27 MAY 2017
P. 13
32 AWEMainta Diasabra, 27 Mei 2017
Jennifer Arends-Reyes a cuminsa
su campaña na Tanki Leendert
TEMPORADA di campaña electoral a cuminsa y
candidato hoben di AVP, Jennifer Arends-Reyes, a start
su campaña cu un tremendo evento cu a tuma luga na
Tanki Leendert.
Reyes-Arends, un docente, a subi lista di AVP na 2013 y
a demostra di tabatin un acogida grandi rond di Aruba.
Diabierna atardi lider di partido Partido di Pueblo Aruba-
no, AVP, Mike Eman y su señora Doina a yega hunto cu
sostenedonan na Tanki Leedert, compañando diferente
colega di partido manera Desiree de Sousa Croes, Marlon
Sneek, Lorna Varlack, Mervin Wyatt Ras y Ministernan
Arthur Dowers, Benny Sevinger y Mike de Meza pa duna
nan apoyo na Jennifer.
Na inicio di e ceremonia tabatin presentacion di un video
rib’e trabou di Jennifer Arends Reyes como Parlamentario
y tambe como ciudadano di pais Aruba. Jennifer a splica
su pensamento, vision y idealnan cu enfoke pa miho
oportunidad pa un y tur.
Den su discurso e politico hoben a bisa cu e lo sigui cu su
trabou pa Aruba cu determinacion y firmesa. E mensahe
aki el a trece dilanti den compania di su casa Ricky y su
yiu Charlotte.
E anochi a sigui cu ambiente musical den man di Perfect
Sound culminando den un ciere perfecto di e anochi.
