Page 71 - MEDIA MONITORING JULY 12, 2018

WILLEMSTAD.- Renaissance Curaçao Resort & Casino i Wind Creek Hospitality ta masha orguyoso di su tim kulinario i bartènder ku resientemente a forma parti di e CHATA Culinary Team. Huntu ku demas kolega nan a pèrkurá pa un tremendo presentashon ku a kontribuí na 9 medaya pa Kòrsou.
“Nos ta konsiderá masha importante pa rekonosé esfuerso di nos empleadonan, spesialmente esnan ku ta bai e mia èkstra tur dia. Di e manera aki nos ta mantené nos empleadonan entusiasmá i involukrá den nan trabou. Risibí rekonosementu pa bo logronan ta un di nesesidatnan fundamental di kualke hende. Dor di rekonosé logro di nos empleadonan, nos ta sostené nan desaroyo personal tambe i na mes momentu ta kumpli ku kresementu di e kompania i ekspektativanan
ku tin pa esaki. Un pabien na e shèfkòknan Jévgeny Hasselmeijer, Jonathan Pietersz i Sjagnon Winklaar, i tambe bartènder Girainey Muskus ku nan bon trabou na Miami resientemente. Renaissance Curaçao Resort & Casino ta sumamente orguyoso di nan”, esaki di akuerdo ku sra. Maylin Trenidad, Gerente General di e resort.
Resientemente Renaissance Curaçao Resort Culinary Team a logra bin kas ku medaya di plata den e kompetensia ‘overall’; medaya di bròns den e kompetensia ‘Beef’ (karni), pa chef Jévgeny Hasselmeijer i tambe un medaya di bròns den e kompetensia di ‘Pastry’ (Pasteleria) pa chef Sjagnon Winklaar.
E kompetensia organisá pa Caribbean Hotel & Tourism Association (CHTA) na Miami ta sirbi komo un motivashon grandi pa tur
talento lokal ku partisipá na dje.
“Nos ta sinti nos mes orguyoso di por konta
ku algun kolega asina talentoso i kreativo den nan trabou. Esaki ta prueba di nos dedikashon komo hotèl
tambe, pa semper ofresé platonan di kalidat den tur nos restorantnan”, asina sra. Trenidad a finalisá.
Djaweps 12 Yüli 2018
15
Renaissance Hotel ta felisitá su tim kulinario ku eksitoso partisipashon na ‘Taste Of The Caribbean’
Gobièrnu ta brinda un segundo oportunidat estudio ku OSBOD
WILLEMSTAD.- Gobièrnu ta brinda un segundo oportunidat, “Ban retomá enseñansa i futuro Huntu”, ta e lema ku gobièrnu ta splika kiko ta OSBOD.
OSBOD ta para pa “Openbaar Secundair Beroeps Onderwijs Deeltijdopleidingen”.
Dediká spesialmente na adultonan ku pa un òf otro motibu personal no por a logra kaba un estudio o elevá nan mes riba parti di nan estudio i tei spesialmente pa duna nan e oportunidat pa sigui krese i desaroyá nan mes. Dependiendo di kua tipo nivel di estudio nan a kaba den dia.
OSBOD ta ofresé estudio na diferente nivel: for di nivel 1 te nivel 4. E estudionan aki ta ser duná na diferente lokalidat: MTS, SGO Jacques Ferrandi, Nilda Pinto i Juan Pablo Duarte.
OSBOD ta ofresé estudio
den tres diferente sektor; “Welzijn nivel 2 te ku nivel 4, Techniek, opleidingnan di Elektro, Bouwkunde i Werktuig bouwkunde” for di nivel 2 te ku nivel 4, tambe sektor di Ekonomia, estudio di ICT na nivel 3 i nivel 4 i tambe estudio di Brood en Banket nivel 1 i 2.
Lèsnan ta wòrdu duná for di 6’or di atardi te ku 9.15 di anochi di djaluna pa djaweps, ta solamente lèsnan di “Brood en Banket” ta riba e orarionan 5’or di atardi te ku 9.30 di anochi.
OSBOD ta un “opleidingsinstituut” ku ta entregá diploma rekonosé.
Na momento ku e studiante terminá su estudio e ta haña un diploma rekonosé i esnan ku terminá estudio na nivel 4 por drenta un HBO “opleiding” den futuro si nan ta deseá esaki.
Ta hopi importante pa e studiantenan ta motivá,
tin dominio propio, ta kumpli ku nan reglanan i ku nan a tuma un desishon den nan bida pa nan sigui un estudio spesialmente anochi.
Un kos ta importante pa komo studiante sigui kòrda: fiha bo meta, pasó despuesdi2,3o4añatin un diploma rekonosé den
man ku tur e benefisionan ku e diploma ta trese kuné pa kada studiante.
Si komo studiante no sa presis ta kua ta e estudio ku ta korespondé o lo kuadra mihó ku “bo”, tuma kontakto ku e personal na OSBOD, kendenan den un “intake gesprek” lo yuda e studiante ku e
estudio di su interes ku e ku ta fet mas mihó.Un konseho na tur adultonan ku no a logra (pa kual sea e motibu) den pasado pa terminá nan estudio pa no duda mas.
OSBOD su portanan ta para habrí pa un i tur ku ta motivá pa retomá nan estudio.
Ladron ta tuma pa kustumber drenta kue bebida
WILLEMSTAD.- Patruya di Punda a keda dirigí pa un restorant situá na Waaigat despues di a risibí informashon di un kiebro ku lo mester ta tumando lugá.
Na yegada di e patruya na e boto kaminda e restorant ta, ya e ladron a
baha na katuna.
Esaki despues ku el a
sinti ku el a keda deskubrí.
Segun personanan na e sitio, ta e mesun ladron aki ya a tuma pa kustumber di kibra drenta den e restorant i bai ku prinsipalmente bibidanan alkohóliko for di
e sitio.
E biaha aki, e ladron no
alograbaikunadafordie sitio en kuestion.
Polis a atendé ku propietario i tambe a buska den e área wak ku por topa ku kualke persona sospechoso pero sin e resultado deseá.