Page 70 - MEDIA MONITORING JULY 12, 2018

Djaweps 12 Yüli 2018
13
Kòrsou ku enkuentro históriko ku Sekretario General di Nashonnan Uní
WILLEMSTAD. - Promé Minister di Kòrsou Sr. Rhuggenaath tabatin e honor di por tene un enkuentro di nivel haltu ku Sekretario General di Nashonnan Uní na New York. Nos promé Minister a tene un interkambio personal den ofisina di Sekretario General Antonio Guterres pa deliberá riba diferente tema di importansia pa islanan chikí den desaroyo, kual den e sistema internashonal ta keda referí komo SIDS, Small Island Development States. SG Guterres a tuma
mando di Nashonnan Uní na komienso di 2017 komo e di nuebe Sekretario General den historia di Nashonnan Uní i ta trahando pa trese reformanan den e sistema di Nashonnan Uní pa mantené pas i sirbi bienestar di paisnan rònt mundu.
Promé Minister a papia riba retonan ku nos isla i otro isla ta eksperensiá i a interkambiá riba kon e sistema global di Nashonnan Uní por kontribuí den desaroyo di paisnan similar na nos. Komo isla chikí,
aunke ku un nivel di entrada relativamente haltu kompará ku sierto otro pais na mundu, nos tin vulnerabilidat nan spesífiko ku nos mester dil kuné i nos ta enfrentá shòknan eksterno ku por ta difísil pa islanan karga. Den kaso di Kòrsou a papia di e efekto di e situashon na Venezuela riba nos pais i nos ekonomia.
Pero tambe kon por mihó akapará ku posibel riesgo i retonan manera kambio di klima i su efektonan, komo ehèmpel orkannan desastroso òf
subida di nivel di laman. Esei ta trese riesgo di seguridat no solamente den nos region pero rònt mundu.
Durante e miembresia di Reino Ulandes na Konseho di Seguridat di Nashonnan Uní, esei ta un di e tópikonan di importansia.
Durante e enkuentro a interkambiá ku por fasilitá akseso na ekspertisio i rekurso, i fomentá kolaborashon pa yuda islanan logra desaroyo sostenibel. Promé Minister di Kòrsou Eugene Rhuggenaath a duna di konosé ku Kòrsou tambe ya ta trahando ku e SDGs, e metanan global di desaroyo sostenibel inosabintakontaku
sosten di agensianan di Nashonnan Uní pa logra implementashon di nos prioridatnan nashonal pa ku kombatimentu di pobresa, kresementu ekonómiko i kreashon di trabou i tambe infrastruktura.
Den oranan di mainta Promé Minister Rhuggenaath a tene un spich den e Konseho di Seguridat Mundial, kual ta un esenario di hopi importansia den kuadro di seguridat, hustisia i diplomasia. Tur 15 miembro di e Konseho, inkluso miembronan permanente manera Merka, Rusia, Fransia, Inglatera i China i algun invitadonan spesial a interkambiá riba e tema.
TDS VIP Card ta duna oportunidat di paga pa 2 i risibí 4 karchi di sine
WILLEMSTAD.- TDS no ta kansa di malkriá su miembronan. Despues di a duna kasi tur miembro ku tabata kier kambia nan SD bòks pa un HD bòks, e oportunidat di kambia esaki grátis, awor TDS ta duna tur miembro aktivo un TDS VIP Card. Si asina mes, TDS VIP Card ta un karchi den estrecho koperashon ku Cinemark, kaminda komo miembro di TDS por wak pelíkula na Cinemark hasiendo uso di 2X1 (2 for 1) òf 4X2 (4 for 2) (riba djaweps, djabièrnè, djasabra i djadumingu pa 1 aña largu. Asina mes, paga pa 1 karchi i risibí e di 2 karchi kompletamente grátis òf paga pa 2 risibí 4. Ademas di esaki e karchi aki ta duna e kliente, 25% di deskuento
riba mayoria ‘Combo’ di kuminda na e snèkbar di Cinemark henter siman.
E karchi aki ta kompletamente grátis pa tur miembro di TDS, pero ta mará na sierto kondishonnan. Pa risibí e karchi aki e kliente su saldo mester ta ANG0.00 i mester keda mantené esaki tur luna pa mas tarda dia 2. E miembro di TDS so por kumpra karchi di pelíkula mustrando su identifikashon bálido huntu ku su VIP Card. E 2X1 ta pa tur tipo di pelíkula inkluso esnan Dbox.
E 25% di deskuento si ta bálido henter siman. Cinemark ya kaba tin preis spesial riba djaluna, djamars i djárason, i awor TDS ta kaba di kompletá
e siman ku su VIP Card ku ta duna e kliente 2X1. E karchi di TDS tin un balides di 1 aña, i ta wòrdu renobá mensualmente asina e kliente hasi su pago. Lo kuminsá repartí e karchinan aki dianan 17-18-19 i 20 di yüli 2018, entre 2.00 di mèrdia i 7.00 di anochi na SAMBIL den e ‘conference center’. TDS a strukturá e sistema di repartishon di e karchi via di fam di su miembronan. Pues e fecha ku e kliente mester pasa rekohé su karchi ta bai na sekuensia di fam. Kuminsando 17 di yüli 2018 tur fam ku ta kuminsá ku lèternan: A-B-C-D-E; 18 di yüli 2018 tur fam ku ta kuminsá ku lèternan: F-G- H-I-J-K-L; 19 di yüli 2018 tur fam ku ta kuminsá ku
lèternan: M-N-O-P; 20 di yüli 2018 tur fam ku ta kuminsá ku lèternan: Q-R- S-T-U-V-W-X-Y-Z.
Promé ku entregá e karchi ta verifiká saldo di kada kliente, despues e kliente por pasa na kahera i djei e ta risibí su karchi. Ora e kliente tin e karchi e mester aktivá esaki via di e página wèp di cinemark, www.cinemarka.com .
TDS lo kuminsá parti number for di 9.00 am riba e fechanan menshoná pa fasilitá asina e proseso ya asina e no ta dura demasiado largu. TDS ta avisá adelantá ku klientenan ku NO tabata aktivo na fin di luna di mei 2018, lo no risibí un karchi riba e fecha nan aki sino despues.
Si komo miembro a hasi
pago kaba, kòrda bini ku komprobante di pago pa mustra. Tur miembro ku kier nan karchi mester tin un saldo ANG0.00. TDS ta rekomendá tur kliente pa sa nan number di kuenta pa hasi e entrega mas rápido. TDS asin’aki ta sigui selebrá su 33 añanan di eksistensia i alabes duna e oportunidat pa pasa un fakansi grandi ainda mas dushi. TDS un biaha Esun di Nos 4 Life!
Nota importante: Tur miembro por “machtig” un persona pa buska e karchi. Basta e miembro skibi un karta, manda su identifikashon i menshoná den e karta ken ta e persona ku ta outorisá pa buska e karchi pe. Tur persona mester por identifiká nan mes.